Дана Нұржігіт құпия сақталған сұхбатын жарыққа шығарды

6 апреля 2026, 17:00

2 526

Русский перевод этой статьи пока не опубликован. Ниже — оригинал на казахском языке.

Дана Нұржігіт бұрын жарияланбаған сұхбатын YouTube-та бөліскенін айтты, - деп хабарлайды Opennews.kz ақпарат агенттігі Sn.kz сайтына сілтеме жасап.

"Бұл подкаст менің архивімде бір жыл жатты. Бата алмай, кейінге қалдырдым, себебі бұл - менің өмірімдегі ең шынайы, ең қиын әңгіме: анаммен болған диалогым. Сізде де солай ма? Біз сырттай мықтымыз, кәсіби маманбыз, жүздеген адамға жол көрсетеміз. Бірақ анамыздың алдына келгенде - кішкентай, қорғансыз балаға айналамыз. Неге ең жақын адамға жүрегімізді аша алмаймыз?

Неге маңызды сөздер айтылмай қалады? Бір жыл бойы іштей пісіп, бүгін жарыққа шыққан подкастта біз:

- Ана мен бала арасындағы «көрінбейтін қабырғаны» қалай бұзамыз?

- Өткен күннің өкпесін кешірімге қалай айналдырамыз?

- Анамызды тек «ана» емес, тағдыры бар «әйел» ретінде тану неге маңызды?

- Есейгенде анамыздың батасын алудың нағыз құдіреті неде?

Мен бұл видеоны жариялап өз «әлемімді» аштым. Бұл — сіздің де анаңызға барар жолыңыздың бастауы болсын. Уақыт барда, мүмкіндік барда айтыңыз: «Мен сізді жақсы көремін». Сұхбаттың толық нұсқасын менің YouTube арнамнан көре аласыздар", деп жазды Дана Нұржігіт.