Қайрат Нұртас 35 мың көрермен жинап, концерт өткізді

Қазақстандық әнші Қайрат Нұртас 27 қыркүйекте Астанада шығармашылығының 20 жылдығына арналған үлкен концерт өткізді. Astana Arena-да өткен кешке 35 мыңға жуық көрермен жиналды, - деп  хабарлайды Opennews.kz  ақпарат агенттігі.

Концерт басталар алдында әнші Каспийде қаза тапқан әскери қызметшілерді еске алуды сұрап, стадиондағы жұрт бір минут үнсіздік жариялады.

Әншінің анасы әрі продюсері Гүлзира Айдарбекова бұл сәттен видео жариялап, 35 мың адамның бір мезетте үнсіз қалғанын жазды.

Кеш барысында Қайрат Нұртас тыңдармандарына жаңа әндерін ұсынып, бірнеше образда сахнаға шықты. Концерт түрлі қойылымдармен, арнайы эффектілермен және күрделі сахналық трюктермен толықты.

Әншінің өзі де концерттен кейін көрермендеріне алғыс білдірді.

Әлеуметтік желі қолданушылары да концерттен алған әсерін жарыса бөлісіп, жанды дауысты, стадиондағы атмосфераны және сахналық қойылымдарды ерекше атап өтті.