Наразы халық отандық хитмен Қайрат Нұртасты Ақтаудан шығармай қойды

5 января 2022, 11:09

296

Русский перевод этой статьи пока не опубликован. Ниже — оригинал на казахском языке.

Концерт қойған отандық өнер жұлдызы Ақтаудан шыға алмай қалды. Әлеуметтік желіде тараған видеоларда газ бағасына байланысты наразылық білдірген халық жолды жауып, хитменнің қаладан шығуына кедергі келтірген,- деп хабарлайды Opennews.kz ақпарат агенттігі Экспресс К сайтына сілтеме жасап.

Бейнежазбадан әнші Қайрат Нұртастың Мерседес S-Class көлігінде отырғанын байқауға болады.

Өнер иесінің жабылған жолдан шыға алмай қалған сәтінің видеосы Instagram-да тарап кетті. Онда жолды жапқандар қалаға кіруге де, шығуға да жол жоқ екенін айтады. "Кім болсаң да халықтың мұңын жеткіз" дейді видео авторы.

Бейнежазбаны бөліскен @beyneushop паблигі "Қайрат Нұртасты халық Ақтаудан шығармай қойды" деп жазды.

Ақтаулық асаба Бек Шәкірат та видеоны өз парақшасында жариялады. Ол әнші халықтың жанайқайына бей-жай қалмас деген үмітін жеткізді.

Ақтауға келдің, мән-жайға қанықтың. Қаны қазақ деп жүрегі тулаған Маңғыстау жігіттерінің жан-айқайын естідің. Өз көзіңмен көрдің. Осыны көріп тұрып бей-жай қалмассың қазақтың Қайраты болсаң. Сен де үндеуіңді қосарсың,
— деп жазды асаба.

Отандық хитмен бір күн бұрын Instagram парақшасында Ақтауда өткен кешінің видеосын оқырмандарымен бөлісті.