Қаз
Рус
"Көк тиын таппадық". Қайрат Нұртас АҚШ-та өткен концерт туралы айтты
645
Русский перевод этой статьи пока не опубликован. Ниже — оригинал на казахском языке.
Белгілі әнші Қайрат Нұртастың анасы әрі продюсері Гүлзира Айдарбекова ұлының АҚШ-та өткен концертінен көк тиын таппапты,- деп хабарлайды Opennews.kz ақпарат агенттігі Экспресс К сайтына сілтеме жасап.
Экспресс К тілшісі продюсерге қоңырау шалып, неге миллиондап ақша таба алмағанын сұраған еді. Продюсердің айтуынша, үлкен алаңда концерт қою үшін арнайы рұқсат қағазын алу тиіс екен.
Әнші желтоқсан айында АҚШ-тың Чикаго, Нью-Йорк және Филадельфия штаттарында жеке кешін өткізген еді.
Біздің негізі мақсатымыз ақша табу емес. Үлкен алаңда концерт ұйымдастыру үшін АҚШ-та жарты жыл тұруың керек. Оның үстіне салық төлейсің. Рұқсат алуың керек. Бұның бәрі өте ұзақ мерзімді қажет етеді. Біз небәрі бір аптаға ғана бардық,— дейді продюсер.
Сондай-ақ Гүлзира Айдарбекова әзірге АҚШ-тың шоу-бизнесін зерттеп жүргенін айтты.
Жақында АҚШ-тың үш қаласында ғана өнер көрсеттік. Бізге мейрамханаларға кеш өткізуге рұқсат берді. Алайда Қайраттың фанаттары оны он қалада күткен еді,— дейді Гүлзира Айдарбекова.
