Жүргізуші куәлігін 1,2 млн теңгеге сатып алмақ болған әйел сан соғып қалды

Русский перевод этой статьи пока не опубликован. Ниже — оригинал на казахском языке.

Өскеменде әйел бейтаныс адамға жүргізуші куәлігін алуға 1,2 млн теңгеден астам қаражат берген, деп хабарлайды Opennews.kz ақпарат агенттігі.


Ақпаратқа сай, Өскемендегі Ертіс ПБ-ның кезекші бөліміне 38 жастағы қала тұрғынынан өтініш түскен. Ол жүргізуші куәлігін қысқа мерзімде жасауға уәде берген бейтаныс адамның көмегіне жүгінген. Көлік құралын басқаруға рұқсат беретін "құжат" сомасы шамамен 1 млн 240 мың теңге болған.

Криминалдық полиция қызметкерлері күдіктіні анықтаған. Ол - Шемонаиха ауданының 54 жастағы тұрғыны. Тәртіп сақшылары оны полиция бөліміне жеткізген, ол жауап алу кезінде бұл әрекетін мойындаған, - делінген. 

Қазір аталған факті бойынша сотқа дейінгі тергеу жүргізіліп жатыр.

Күдікті кінәсін мойындаса, оған екі жылға дейінгі мерзімге шектеу немесе бас бостандығынан айыру жазасы беріледі, - делінген хабарламада.