Tik-Tok-та 20 секундтық видео түсірген әйел 90 сағат көше сыпырмақ

Русский перевод этой статьи пока не опубликован. Ниже — оригинал на казахском языке.

Танысымен жанжалдасып қалған әйел Tik-Tok әлеуметтік желісіне 20 секундтық видео жариялаған, деп хабарлайды Opennews.kz ақпарат агенттігі. 




Шығыс Қазақстан облысы Шемонаиха ауданының тұрғыны Tik-Tok-та видео түсіріп, ауылдасының ар-намысына тигені үшін сотқа тартылды.

ШҚО бойынша ҚАЖ департаменті баспасөз қызметінің мәліметінше, танысымен жанжалдасып қалған әйел Tik-Tok әлеуметтік желісіне 20 секундтық видео жариялаған. Мұны көрген ауылдасы бұл видео оның ар-намысы мен қадiр-қасиетiн қорлайтынын айтып, сотқа шағым түсірді.

Сот шешімімен әйел адам 90 сағаттық қоғамдық жұмысқа тартылды. 24 жастағы аудан тұрғыны пробация қызметінің есебіне алынып, қоғамдық жұмыстарды атқару үшін әкімдікке жіберілді. Енді ол күніне төрт сағат бойы көше тазалайды.

Пробация қызметінің инспекторлары әйелдің жұмысты орындауын бақылайды. Егер ол қоғамдық жұмыстардан жалтарған жағдайда заң шеңберінде шара қолданылады, - дейді Шемонаиха аудандық пробация қызметінің басшысы Гүлмира Бөлекбаева.