Қаз
Рус
Су тасқынынан зардап шеккен тұрғындарға 31 млн теңге төленбек
Русский перевод этой статьи пока не опубликован. Ниже — оригинал на казахском языке.
Ақтөбе облысы Қаратал ауылының су тасқынынан зардап шеккен тұрғындарына 31 млн теңге өтемақы төлену жоспарланды, - деп хабарлайды "Opennews.kz" ақпарат агенттігі “Хабар 24” арнасына сілтеме жасап.
Арнайы комиссия апаттан келтірілген залалды зерттеп, Ақтөбе облысы Ойыл ауданы Қаратал ауылында жұмысын аяқтады. Мамандар шығын көлемін бағалады.
"Бүгінгі таңда залал толығымен анықталды. 31 млн теңге. Бұл сома зардап шеккендерге төленеді. Олар өз күштерімен тұрғын үйді қалпына келтіруі керек. Біз де көмектесеміз, бәрін қалпына келтіреміз. Сәуір айында резервтен ақша төленеді", – деді Ойыл ауданының әкімі Асқар Қазыбаев.
Ауылдың 11 үйінің тұрғындарына 31 миллион төленеді. Мұндай залалды арнайы комиссия мүшелері белгіледі.
