Қаз
Рус
Білім бөлімінің экс-басшысы өлі күйінде өзен маңынан табылды
Русский перевод этой статьи пока не опубликован. Ниже — оригинал на казахском языке.
Талдықорған қаласы білім бөлімінің бұрынғы басшысы Роза Барманованың өлі денесі өзеннен табылды, - деп хабарлайды "Opennews.kz" ақпарат агенттігі.
Жетісу облысы полиция департаменті баспасөз қызметінің мәліметінше, мүрде 11 маусым сағат кешкі 20:00 шамасында табылған.
"Қаратал өзенінің маңында әйел адамның мәйіті табылды. Марқұмның денесінде зорлық-зомбылықтың белгілері болған жоқ. Бұл факт қалалық полицияда ресми түрде тіркелді. Сот-медициналық сараптама жасалып, өлімнің себебі анықталатын болады", - дейді облыстық ПД баспасөз қызметі.
Ал марқұмның білім бөлімінің экс-басшысы Роза Барманова екенін облыстық білім басқармасының басшылығы растап отыр.
"Марқұм Талдықорған қаласы білім бөлімінің басшысы болып екі жыл көлемінде қызмет атқарғаны рас. Қазір бізде жұмыс істемейді. 2022 жылдың 1 қыркүйекте өз еркімен жұмыстан кету туралы өтініш жазып, қызметінен кеткенболатын", - деді Жетісу облысы білім басқармасы басшысының орынбасары Әлішер Башаров.
