Қаз
Рус
Балабақшада баланы аяусыз ұрған тәрбиеші жұмыстан қуылды
Русский перевод этой статьи пока не опубликован. Ниже — оригинал на казахском языке.
Түркістан облысы Келес ауданындағы жеке меншік балабақшада баланы қатыгездікпен жөнге салмақ болған тәрбиеші жұмысынан айырылды, - деп хабарлайды "Opennews.kz" ақпарат агенттігі.
Еgovpress Telegram арнасында жарияланған бейнежазбадан тәрбиешінің баланы сілкілеп, ұрған сәттерін көурге болады.
Облыстық Білім басқармасы тергеу құпиясын алға тартып, тәрбиеші жөнінде мағлұмат беруден бас тартты. Бір анығы, ол жұмысынан босатылып, үстінен қылмыстық іс қозғалған.
Түркістан облысы Келес ауданында орналасқан "Ақмаржан" балабақшасы тәрбиешісінің баланы ұрып-соққаны сол балабақшадағы бейнебақылау камерасына түсіп қалған. Тәрбиеші жұмыстан шығарылды. Баланың анасы полиция бөліміне арыз түсірді, арыз бойынша қылмыстық іс қозғалды, – деп хабарлады Zakon.kz тілшісіне Түркістан облысының Білім басқармасы.
