Қаз
Рус
Теміржол қызметкерін пойыз қағып кетті
Русский перевод этой статьи пока не опубликован. Ниже — оригинал на казахском языке.
Жамбыл облысындағы Шу станциясы аумағында екі теміржол қызметкерін пойыз қағып кетті. Олар алған жарақаттан оқиға орнында көз жұмды,- деп хабарлайды "Opennews.kz" ақпарат агенттігі.
Оқиға 21 қаңтарда Шу-Шығанақ пен Жиделі-Бірлік учаскесінің 1488 киллометр аралығында болған. Шу станциясы аумағында 4 қызметкер вагондардан түсіп қалған пойыз жабдықтарын іздеуге шыққан. Сол мезетте №71 пойыз екі қызметкерді қағып кеткен. Екі қызметкер де алған жарақаттарынан көз жұмған.
Желідегі деректерге сай, ер адамның бірі 62, екіншісі 57 жаста болған. Екеуі де теміржол қызметінде 20-30 жылға жуық қызмет атқарған.
Оқиғаға байланысты Қазақстан темір жолы пікір білдірді.
"Шығанақ-Шу учаскесінің маңында теміржол көлігінің екі қызметкері жазатайым оқиғаға ұшырады. Пойыз жүргізушісі тежегішті басқанымен апаттан құтыла алмады. Барлық мән-жайды анықтау үшін оқиға орнына ҚТЖ комиссиясы барды. Тергеу басталды", - деп хабарлады ҚТЖ.
Компания қызметкерлердің отбасыларына көңіл айтып, оларға қажет көмекті көрсететінін жеткізді.
