Қаз
Рус
Бала күтуші үй иесінің алтын бұйымдарын жымқырған
1 709
Русский перевод этой статьи пока не опубликован. Ниже — оригинал на казахском языке.
Астанада бала күтуші үй иесінің алтын бұйымдарын ұрлап кеткен,- деп хабарлайды "Opennews.kz" ақпарат агенттігі.
Елордалық полицейлер 1 млн 762 мың теңге сомасында шығынды құрайтын алтын бұйымдар ұрлығын ашты.
Жедел-іздестіру шараларын жүргізу барысында Алматы ауданының ПБ қызметкерлері үйде бала күтуші болып жұмыс істеген 46 жастағы күдіктіні құрықтаған.
«Белгілі болғандай, үй иесі хабарландыру бойынша балаларына күтуші тапқан. Ол жұмыста болған кезде, күтуші үй иесінің зергерлік (алтын сырғалар, сақина және гауһар білезік) бұйымдарын жымқырып үлгерген. Үй иесінің оралуын күтіп, кейін лезде пәтерден шығып, ізін суытқан», – делінген хабарламада.
Ұрлық фактісі бойынша тәртіп сақшылары қылмыстық іс қозғап, әйелдің бұрын жасалған осындай қылмыстарға қатыстылығын тексеріліп жатыр. Ол бұрын алаяқтық үшін сотталған болып шыққан.
