Жедел жәрдем жүргізушісін соққыға жыққан ер адамға іздеу жарияланды

Қарағандыда жедел жәрдем қызметкерін соққыға жыққан ер адам Нұрболат Дәкебаевқа іздеу жарияланды. Қаладағы барлық сауда нысандарында ер адамның суреттері ілінген, - деп хабарлайды "Opennews.kz" ақпарат агенттігі.

Полицейлер ер адамның суретін жариялап, екінші категория бойынша іздеу салған.

Яғни ол аса қауіпті қылмыскер емес, алайда оны ұстау өңірлік полиция департаменті мен ІІМ ерекше бақылауында. Себебі оның әрекеті қоғамда резонанс тудырды.   

Қарағанды полиция бөлімінің қызметкерлері Нұрболат Дәкебаев жайлы ақпарат білетіндер болса 102 немесе 8 (7212) 40 79 19 нөмірлеріне хабарласуын сұрайды. 

Еске салайық, бұған дейін Қарағандыда жедел жәрдем қызметкерін балағаттап, соққыға жыққан ер адамға қатысты қылмыстық іс қозғалғаны хабарланған болатын.