7 жаттықтырушы жалған дипломмен жұмыс істеген

9 апреля 2024, 17:27

1 605

Русский перевод этой статьи пока не опубликован. Ниже — оригинал на казахском языке.

Шығыс Қазақстан облысы бойынша Сыбайлас жемқорлыққа қарсы қызметтің басшысы Денис Шәкенов өңірде жемқорлық тәуекелдерін бағалау үшін талдау жүргізілгенін айтты, - деп хабарлайды "Opennews.kz" ақпарат агенттігі.

Оның айтуынша, өңірде бюджет қаражатын тиімсіз пайдалану жағдайлары тіркелген.

"Жалған дипломдар, спорттық командалардың іссапар барысындағы шығындарына арналған қаражатты жаттықтырушыларға аудару кезіндегі сыбайлас жемқорлық тәуекелдері, сондай-ақ жалған оқу-жаттығу жиындарын өткізу фактілері анықталды. Балалар мен жасөспірімдер спорт мектептерінің 7 қызметкерінің жалған дипломдарды пайдалану фактісі белгілі болды", - деді Денис Шәкенов өңірлік коммукациялар қызметінде өткен брифингте.

Сондай-ақ элиталық спортты дамыту бойынша мемлекеттік сатып алу талаптары бұзылған.

"Бүкіл анықталған фактілер бойынша уәкілетті органдармен тексерулер жүргізілуде. Қорытындысы шыққаннан кейін қылмыстық-процестік заңнама аясында процестік шешімдер қабылданады. Мұндай бұзушылықтардың қайталануын болдырмау үшін сыбайлас жемқорлық тәуекелдерін жою бойынша уәкілетті органдарға нақты ұсынымдар берілді", - деді ол.