Қаз
Рус
Мас әйел машинамен шұңқырға түсіп кетіп, бірнеше үйді газсыз қалдырды
1 169
Русский перевод этой статьи пока не опубликован. Ниже — оригинал на казахском языке.
Ақтөбе қаласы Алтын орда шағын ауданында 8 тұрғын үй кешені газсыз қалды. Мас күйінде көлік жүргізген әйел шұңқырға түсіп кетіп, құбырды зақымдаған, - деп хабарлайды "Opennews.kz" ақпарат агенттігі.
Оқиға бүгін сағат таңғы 06:30 шамасында болды. Облыстық ПД баспасөз қызметінің жетекшісі Ерболат Сарқұловтың айтуынша, Mercedes маркалы автокөлігінің 39 жастағы жүргізушісі жол құрылысы кезінде қазылған шұңқырға түсіп кеткен.
«Жүргізуші әйел мас болған. Жол-көлік оқиғасы кезінде ол зардап шекпеді. Қазіргі кезде хаттама толтырылып, іс шешім шығару үшін әкімшілік сотқа жіберілді», - деп хабарлады облыстық ПД баспасөз қызметінің жетекшісі Ерболат Сарқұлов.
Ал Ақтөбе қаласы әкімінің баспасөз қызметінің хабарлауынша, 8 тұрғын үй, оның ішінде 560 пәтер газсыз отыр. Қазіргі кезде газ қызметі қалпына келтіру жұмыстарын жүргізіп жатыр.
