Қаз
Рус
Дәрігерге шабуылдаған ерлі-зайыпты жазаланды
1 347
Русский перевод этой статьи пока не опубликован. Ниже — оригинал на казахском языке.
Сот медицина қызметкерлерін құрметтемегені үшін ерлі-зайыптыға қатысты әкімшілік құқық бұзушылық туралы істі қарады, - деп хабарлайды "Opennews.kz" ақпарат агенттігі.
Еске салайық, Көкшетауда алған жарақаты салдарынан 3 жастағы баланың 3 саусағын кесіп тастауға тура келген. Баланың ата-анасы ауруханада шу шығарып, дәрігерге шабуылдаған.
Сот анықтағандай, облыстық балалар ауруханасының ғимаратында травматолог дәрігерге тіл тигізіп, оның үстеліндегі заттарды лақтырған. Азамат анестезиолог дәрігерге былапыт сөздер айтып, қорлаған. Сотта құқық бұзушылар кінәсін мойындады.
«Сот қаулысымен ерлі- зайыпты әкімшілік құқық бұзушылық жасағандары үшін кінәлі деп танылып, оның жас баласы барын ескере отырып, 30 АЕК (117 960 теңге) мөлшерінде айыппұл, 2 тәулікке әкімшілік қамауға алу тағайындалды» деп жазылды сот шешімінде.
