Қаз
Рус
Cу қоймасында екі жасөспірім құтқарылды
1 743
Русский перевод этой статьи пока не опубликован. Ниже — оригинал на казахском языке.
Қонаев қаласындағы Қапшағай су қоймасында жағадан алысқа жүзіп кеткен екі жасөспірім құтқарылды,- деп хабарлайды "Opennews.kz" ақпарат агенттігі.
Құтқарушылар жетінші қалалық жағажай маңындағы жағалау аймағын патрульдеу кезінде суда қауіпсіз аймақтан тыс жүзіп кетіп, өз бетімен орала алмаған жасөспірімдерді көрді.
2012 және 2009 жылы туған кәмелетке толмаған балаларды Төтенше жағдайлар министрлігі қызметкерлері құтқару техникасы мен су көлігінің көмегімен жағаға алып шықты.
Балаларға медициналық көмек қажет болмады.
Төтенше жағдайлар министрлігі ескертеді:
- балаларды су жағасында қараусыз қалдырмаңыз;
- қайықта, катамаранда және SUP-доскада серуендегенде құтқару желетін киіңіз;
- ауа райы мен желдің күшіне назар аударыңыз.
