АЭС-ке білікті кадрлар дайындау жүргізіліп жатыр

8 июля 2025, 14:59

2 231

Русский перевод этой статьи пока не опубликован. Ниже — оригинал на казахском языке.

Елімізде салынатын бірінші атом электр стансасына білікті кадрлар дайындау қарқынды жүргізіліп жатыр. Бұл жайында Атом энергиясы жөніндегі агенттіктен мәлім етті,- деп хабарлайды "Opennews.kz" ақпарат агенттігі.

— Консорциум көшбасшының міндетіне қызмет көрсетуші персоналдарды дайындау кіреді. АЭС пайдалану үшін шамамен 2 000 адам, оның ішінде ядролық мамандық бойынша 400 адам қажет. Ал қалғандары — бізде жұмыс істеп тұрған көмір және газ электр стансаларында еңбек ететін бейінді-техникалық мамандар. Ядролық мамандықтар бойынша қызметкерлерді дайындауға келер болсақ, қазіргі уақытта физикамен, энергетика және электртехникасымен байланысты 18 білім бағдарламасы бойынша білікті кадрларды дайындау қарқынды жүргізіліп жатыр, — деді агенттіктен.

Ведомство мәліметінше, отандық Д. Серікбаев атындағы Шығыс Қазақстан техникалық университетінде, Л.Гумилев атындағы Еуразия ұлттық университетінде, Әл-Фараби атындағы Қазақ ұлттық университетінде, сонымен қатар ядролық технология маманданған шетелдік жетекші ЖОО-ларда мамандар даярлау қолға алынған. Ядролық мамандықтар бойынша білім гранттар санын арттыру қажеттілікке қарай жүзеге асырылады. Сонымен қатар білім алып жатқан жас мамандар жұмыс істеп тұрған АЭС-терде тәжірибе жинақтап, тағлымдамадан өтеді.

Бұған дейін Атом энергиясы жөніндегі агенттік пен «Росатом» АЭС салу жөніндегі жол картасын бекітті.

Алғашқы АЭС құны 14 млрд доллар болуы мүмкін.