Шымкенттегі этноауылда өрт шықты

26 августа 2021, 16:56

300

Русский перевод этой статьи пока не опубликован. Ниже — оригинал на казахском языке.

Шымкентте этникалық ауыл аумағында өрт шықты, - деп хабарлайды Tengrinews.kz тілшісі Шымкент қаласының төтенше жағдайлар бөліміне сілтеме жасап.

Министрлік мәліметінше, 26 тамызда түнгі 00.49-да "101" басқару пультіне әл-Фараби ауданы, Сапақ датқа көшесінде құрылыс жұмыстары жүріп жатқан "Шымқала" этникалық ауылы аумағында өрт шыққаны туралы хабарлама түскен.

Өртсөндірушілер шақырту орнына 7 минутта жеткен. Оқиға орнында этникалық ауыл аумағында орналасқан ауданы 80 шаршы метр шатыр мен 8 шаршы метр аумақтағы қамыстан тұрғызылған сарай өртеніп жатқаны анықталды.

Өрт сағат 1.10 да оқшауланды және 1.19-да толық сөндірілді. Зардап шеккендер мен қаза тапқандар жоқ. Өрттің шығу себептері анықталып жатыр, деді ТЖД өкілі.

Оқиға орнына Шымкент қаласы ТЖМ Өрт сөндіру қызметінің 25 қызметкері мен 5 техникасы жұмылған.