Түрмеден босатылған азаматтарға 15 АЕК көлемінде көмек беріледі

8 октября 2025, 09:16

1 490

Русский перевод этой статьи пока не опубликован. Ниже — оригинал на казахском языке.

Елордада бостандыққа шыққан азаматтарға біржолғы әлеуметтік көмек қарастырылған, бұл туралы Астана қаласының Жұмыспен қамту және әлеуметтік қорғау басқармасы мәлімдеді, - деп хабарлайды "Opennews.kz" ақпарат агенттігі.

Ведомствоның баспасөз қызметі бас бостандығынан айыру орындарынан босатылған азаматтарға әлеуметтік көмек көрсету тәртібі туралы хабарлады.

— Астана қаласы мәслихатының 2023 жылғы 3 қазандағы № 84/10-VIII шешімімен бекітілген «Астана қаласында әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарын айқындау қағидасына» сәйкес, түрмеден босатылған азаматтарға бір реттік әлеуметтік көмек қарастырылған. Атап айтқанда, босатылғаны туралы анықтама ұсынған және босатылғаннан кейін алты айдан кешіктірмей өтініш білдірген тұлғаларға 15 айлық есептік көрсеткіш (АЕК) мөлшерінде қайта ұсынылмайтын біржолғы көмек беріледі, — делінген басқарма таратқан ақпаратта.

Бұл қолдау — қоғамға қайта бейімделуге көмектесуге бағытталған әлеуметтік шаралардың бірі.