Қаз
Рус
Ерлі-зайыптылар балалар үйінен бес бауырды асырап алды
Русский перевод этой статьи пока не опубликован. Ниже — оригинал на казахском языке.
Ақтаулық ерлі-зайыпты Бейсенбек Рысжанов пен Ләззат Абдашова балалар үйінде тәрбиеленіп жатқан бес бауырды бірдей өз отбасына қабылдап, олардың жаңа өмірге деген үмітін оятты,-деп хабарлайды Opennews.kz ақпарат агенттігі.
Отбасының сөзінше, шаңырақ құрғаннан кейін үш жылдан соң тұңғыш бала дүниеге келген. Ал соңғы 8 жыл бойы сәбилі болуды армандаған жұп бала асырап алу порталында ұсыныс түскен кезде бір үйдің бес баласын бірге қабылдауға шешім қабылдаған.
«Балалардың бір-бірінен ажырамауы керек деп санадым. Бастапқыда үлкенін басқа отбасыға бермек болғанын естіп, барлығын бірге алуға өтініш білдірдім. Бесеуі де отбасымызға тез үйреніп, бір-бірімен тату болып кетті. Қазір бәрінің жағдайы жақсы, біз өте бақыттымыз», – деді Ләззат Абдашова.
Отбасы балалардың өмір сүру жағдайын жақсарту үшін қосымша тұрғын үй сатып алған. Алдағы уақытта әр баланың өз жатын бөлмесі болады деп жоспарлануда. Бауырлардың үлкені 15 жаста, кенжесі 4 жаста; жанұяда қазір екі қыз бен алты ұл өмір сүріп жатыр.
Ерлі-зайыптының бұл әрекеті қоғамға үлгі боларлық адамгершілік пен мейірімділіктің жарқын мысалы ретінде бағалануда.
