Қаз
Рус
Жалға алған пәтер иесін сабаған жігітке қатысты қылмыстық іс қозғалды
Русский перевод этой статьи пока не опубликован. Ниже — оригинал на казахском языке.
Астана полициясы өзі жалға алған пәтердің иесін ұрып-соққан 22 жастағы жігітті ұстады. Денсаулыққа қасақана зиян келтіру дерегі бойынша қылмыстық іс қозғалды, - деп хабарлайды Opennews.kz ақпарат агенттігі.
Полиция қызметкерлерінің анықтауынша, күдікті пәтерді жалға алғанымен, оны белгіленген мерзімде босатпаған.
Пәтер иесімен арада жанжал туындаған кезде ол әйелге балағат сөздер айтып, дене жарақаттарын салған.
«Күдіктінің жеке басын анықтап, оны ұстадық. Денсаулыққа қасақана зиян келтіру дерегі бойынша қылмыстық іс қозғалды», – деп хабарлады Астана қалалық полиция департаменті.
Балағат сөздер айту арқылы ұсақ бұзақылық жасағаны үшін сот ер адамға 30 тәулікке әкімшілік қамаққа алу жазасын тағайындады.
Қазіргі уақытта тергеу жалғасып жатыр.
