Аңсаған сәби: Бір адам неше рет тегін экоұрықтандыру жасата алады

Русский перевод этой статьи пока не опубликован. Ниже — оригинал на казахском языке.

Нұр-Сұлтан қаласындағы №2 көпбейінді қалалық ауруханасы отбасын жоспарлау орталығының гинеколог-эндокринологы Айгүл Мұсабаева бала сүйгісі келген жұптар мен аналар «Аңсаған сәби» бағдарламасы арқылы неше рет экстракорпоральды ұрықтандыруға қатыса алатынын айтты- деп хабарлайды Opennews.kz ақпарат агенттігі.

«Экстракорпоралды ұрықтандыруды жылына бір рет жасауға болады. Алдыңғы «эко» нәтижесіз өтсе, келесі жылы дайындалып, қайтадан тегін жасата алады. Яғни, алдыңғы «эко» нәтижесіз болғандықтан, мемлекет тарапынан қайта тегін көмек алуға құқылы», - деді маман брифингте.

Сонымен қатар «Аңсаған сәби» бағдарламасы бойынша қандай жұптар жиі жүгініп жатқанын айта өтті.

«Бедеуліктің екі түрі бар. Бірі туа пайда болса, екіншісі жүре пайда болады. Бізге солардың ішінде көбіне жүре пайда болған ақаулардың, жүре пайда болған созылмалы аурулардың салдарынан бедеулікке шалдыққан адамдар жиі келіп жатыр», - деді Айгүл Мұсабаева.