Атыраудағы газ жарылысы: Екі жас жігіт көз жұмды

15 ноября 2021, 16:24

337

Русский перевод этой статьи пока не опубликован. Ниже — оригинал на казахском языке.

Атырауда газ қазандығы жарылған кезде қатты күйіп қалған 19 жастағы екі жас жігіт жансақтау бөлімінде көз жұмды- деп хабарлайды Opennews.kz ақпарат агенттігі Мой город басылымына сілтеме жасап.

Екеуі де II-III дәрежелі күйікпен ауруханаға түскен. Денсаулық сақтау басқармасы берген ақпаратқа сәйкес, науқастардың бірінің денесін 85-90 процент күйік шалған. Ол 14 қараша күні жансақтау бөлімінде көз жұмған.
"Екінші науқастың денесінің 90-95 проценті күйіп қалған. Ол да көз жұмды", – дейді дәрігерлер.

Ал 22 жастағы келіншек ауруханада қажетті ем-дом алып жатыр. Оның денесі 25-30 процентке күйген.

Еске сала кетейік, 10 қарашада Атыраудағы 24-ші шағын ауданда орналасқан жекеменшік үйде газ қазандығы жарылған. Артынан алапат өрт басталды. Тілсіз жау 120 шаршы метрді шарпыған. Оқиға орнынан үш адам ауруханаға жеткізілді. Екеуін бірден жансақтау бөліміне жатқызған.