Елімізде алдағы күндері ауа райы жылы болады

29 ноября 2021, 17:50

269

Русский перевод этой статьи пока не опубликован. Ниже — оригинал на казахском языке.

Синоптиктердің болжамынша, алдағы үш күнде Қазақстанда күн жылы болады- деп хабарлайды Opennews.kz ақпарат агенттігі.

"Аязды әкелген суық антициклон Қазақстан аумағынан біртіндеп кетеді", - деп мәлімдеді қазгидромет мамандары.

Оның орнын Қара теңіз аумағынан келетін жылы батыс циклоны басады, жаңбыр, қар жауып, жаяу бұрқасын соғады, көктайғақ болады, сондай-ақ ауа температурасы біртіндеп көтеріледі.

Күндіз Қазақстанның солтүстік жартысында 0-5 градусқа дейін, оңтүстікте 10-15 градусқа дейін, Түркістан облысында 20 градусқа дейін жылы болады.

Тек 2 желтоқсанда кезекті антициклон республиканың батыс өңірлеріне жылжиды, сол себепті температура аздап төмендейді: түнде 5 градус аяз – 5 градус жылы, күндіз 3 градус аяз – 5 градус жылы болады. Маңғыстау облысында күн 10 градусқа дейін жылынады.

Республиканың солтүстік-шығысында және оңтүстік өңірлерінде ауа райы жауын-шашынсыз.