Қаз
Рус
Алматы облысында ер адам қалжыңдаймын деп көз жұмды
352
Русский перевод этой статьи пока не опубликован. Ниже — оригинал на казахском языке.
Алматы облысының екі тұрғыны ер адамды өлімші етіп соққыға жықты деген күдікке ілінді,- деп хабарлайды Opennews.kz ақпарат агенттігі "Мой город" порталына сілтеме жасап.
Алматы облысының полицейлеріне Қарасай ауруханасының қызметкерлері хабарласқан. Олар 36 жастағы ер адамның жансақтау бөлімінде көз жұмғанын айтқан.
Полицейлер оны соққыға жыққан екі күдіктіні тәулік ішінде ұстады – Қарағанды облысының тумалары өңірде көлік жуу орнында жұмыс істеген.
Олардың бірі бұрын тонау, екіншісі есірткі заттарын сақтағаны үшін сотталған.
Ұсталғандардың айтуынша, олар ішімдік ішіп отырғанда мас жерлесі телефон соғып, қонаққа шақырған, такси ақысын өзім төлеймін деп уәде берген. Ал келген кезде қалжыңдағанын айтып, такси ақысын төлемеген.
"Осыған байланысты жанжал туындап, келген екеу жерлесін ұрып-соғып, бой тасалаған", - деді полицейлер.
Сотқа дейінгі тергеп-тексеру кезінде күдіктілерге қамауға алу түрінде бұлтартпау шарасы қолданылады.
