Утилалымға жауапты екі шенеунік елден қашпақ болды

Русский перевод этой статьи пока не опубликован. Ниже — оригинал на казахском языке.

Экология, геология және табиғи ресурстар вице-министрі Ахметжан Пірімқұлов пен "ӨКМ Операторы" ЖШС бас директоры Медет Құмарғалиев қамауға алынды,- деп хабарлайды Opennews.kz ақпарат агенттігі  Экспресс К сайтына сілтеме жасап.

Telegram-дағы yyedilov арнасының мәліметіне сүйенсек, утилалымға жауапты екеуі елден қашпақшы болған кезде ұсталып қалған.

Кейбір деректерге сәйкес, Сыбайлас жемқорлыққа қарсы іс-қимыл агенттігі Экология, геология және табиғи ресурстар вице-министрі Ахметжан Пірімқұлов пен "ӨКМ Операторы" ЖШС бас директоры Медет Құмарғалиевты ұстады. Екеуі де елден қашпақшы болған,— деп жазды ол.

Қазіргі кезде ұсталған азаматтар Нұр-Сұлтан қаласының уақытша ұстау изоляторына қамалған.

Кейіннен Сыбайлас жемқорлыққа қарсы іс-қимыл агенттігі ресми түрде бұл ақпаратты растады.

Экология, геология және табиғи ресурстар вице-министрі Ахметжан Пірімқұлов пен "ӨКМ Операторы" ЖШС басқарма төрағасы Медет Құмарғалиевтың ұсталғанын растаймыз. Олар сыбайлас жемқорлық қылмысын жасады деген күдікке ілінді,— делінген хабарламада.