Қаз
Рус
Ақтөбеде 23 млн теңгесін ұтысқа тігіп жіберген жігіт 8 жылға сотталуы мүмкін
367
Русский перевод этой статьи пока не опубликован. Ниже — оригинал на казахском языке.
Ақтөбеде "ақшам ұрланды" деп полицияға жалған ақпарат берген жігіттің үстінен іс қозғалды,- деп хабарлайды Opennews.kz ақпарат агенттігі Экспресс К сайтына сілтеме жасап.
Бұл туралы облыстық полиция департаменті мәлімдеді.
Ақтөбедегі №2 қалалық полиция бөліміне 29 жастағы ер адам арызданды. Ол 101-атқыштар дивизиясы көшесінде Lada Priora автокөлігінен белгісіз біреулер полиэтилен пакетке салынған 23 миллион теңгесін ұрлап кеткенін айтады.
Полиция қызметкерлері дереу іске кірісті. Тексере келгенде ер адам ұрлық туралы өзі ойдан құрастырғаны анықталды. Күдікті ретінде танысын айтқан. Шын мәнінде ол ақшаны әйеліне айтпай ұтысқа тігіп жіберген.
Аталған дерек негізінде ҚК-тің 419-бабы 3-бөлігі (Көрінеу жалған сөз жеткізу) бойынша сотқа дейінгі тергеп, тексеру жүргізіліп жатыр.
Осы баптың санкциясы бойынша қылмыс жасаған адам 8 жылға дейін бас бостандығынан айырылады.
