Екібастұзда 5 жасар бала терезеден құлап кетті

Русский перевод этой статьи пока не опубликован. Ниже — оригинал на казахском языке.

Павлодарда облысында 5 жасар бала терезеден құлап кетті, - деп хабарлайды astanatv.kz. 

Оқыс оқиға Екібастұз қаласында болған. Полиция департаментінің мәліметі бойынша, ұл бала 4-қабатта орналасқан пәтер терезесінен құлап кеткен.

Телеарна мәліметінше, бала аман. Қазір ауруханада жатыр.    

"Баланың бас сүйегі, іш құрылысына зақым келген. Қазір жағдайы ауыр. Барлық ем жасалып жатыр. Бала есін біледі. Жансақтау бөлімінде", - деді Павлодар облыстық денсаулық сақтау басқармасы бөлім басшысының міндетін атқарушы Айжан Әкімбекова.