Шиелілік қоғам белсендісі қамауда

Русский перевод этой статьи пока не опубликован. Ниже — оригинал на казахском языке.

«Шиелі аналары» қоғамдық қорының төрайымы Гүлзинат Сағындықова қамауға алынған,- деп хабарлайды Opennews.kz ақпарат агенттігі.

Қайырымдылық шарасын ұйымдастырып, үй-күйсіз жүрген әлеуметтік осал топтар мен мұқтаж отбасыларының баспанаға қол жеткізуіне ықпал жасап жүрген Гүлзинат Сағындықова сот шешімімен екі ай мерзімге уақытша ұстау изоляторына қамауға алынған.

Бүгінгі күнге дейін  30-дан астам отбасыға қайырымдылық есебінен тұрғын үй алып берген қор төрайымы сол қызметі үшін әр қайсысынан 2 миллионға жуық ақша жымқырды деген күдікпен тергеп-тексеру амалдары жүргізілуде екен. 

Бұл туралы Шиелі ауданының полиция бөлімі «Шиелі ауданының полиция бөлімімен Г.Сагиндиковаға қатысты ҚР ҚК-нің 190-бабы 3-бөлігі 4-тармағымен қылмыстық іс қозғалып, Шиелі аудандық сотының қаулысымен күзетпен ұстау санкциясы берілді кәзіргі таңда тергеп- тексеру амалдары жүргізілуде.»,- деп мәлімдеді.