Қаз
Рус
Алматыда ер адам 28 жастағы әйелді еш себепсіз ұрып тастаған
298
Русский перевод этой статьи пока не опубликован. Ниже — оригинал на казахском языке.
Алматыда белгісіз ер адам 28 жастағы әйелге шабуыл жасап, ұрып тастаған. Оқиға 16 тамызда Медеу ауданында болған, деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.
Соққы салдарынан әйелдің қабағы жарылып кеткен.
"Басынан ұра бастады, қабағы жарылып кеткен. Сосын әрі қарай жүгіріп кетті. Полицияға бірден шағым түсірдік, бірақ бейнебақылау камераларын тексерген жоқ. Оның түрін есімде сақтап қалдым. Оқиға орнына полициядан ешкім келген жоқ, куәгерлерден жауап алмады", – деді зардап шеккен әйел.
Алматы полиция департаментінің баспасөз қызметінің өкілдері аталған деректің сотқа дейінгі тергеудің бірыңғай тізіліміне тіркелгенін мәлімдеді. Қазір "Бұзақылық" бабымен тергеу жүріп жатыр, ауырлық дәрежесін анықтау үшін сот-медициналық сараптама тағайындалды.
