Ұлттық ұлан сарбазы өзіне қол салмақ болған ер адамды құтқарып қалды

7 сентября 2022, 09:12

280

Русский перевод этой статьи пока не опубликован. Ниже — оригинал на казахском языке.

Ақтау қаласының Атамекен ауылында Ұлттық ұланның әскери қызметшісі 4-қабаттан секірмек болған ер азаматты құтқарып қалды, - деп хабарлайды Opennews.kz ақпарат агенттігі.

«6 қыркүйекте сағат 12:15-те жауынгерлік қызметтен шығып, үйіне келе жатқан Ұлттық ұланның әскери қызметшісі Арман Мұрзамұратов төрт қабатты үйден секіргелі тұрған ер азаматты көреді. Сәл кідіріп, азаматтың әрекетін бақылау барысында оның нақты секіруге оқталғанын аңғарады. Жедел шешім қабылдаған әскери қызметші жоғарғы қабатқа көтеріліп, ер азаматтың артынан ақырын келіп, қолынан ұстап алады. Қарсыласқанына қарамастан, оны қауіпсіз жерге алып шығады. Кейін Арман Мұрзамұратов жағдайды полиция қызметкерлеріне хабарлаған», – делінген Ұлттық ұланның баспасөз қызметі таратқан хабарламада.

Ведомство ақпаратына сәйкес, қазір полиция өзіне қол салмақ болған 24 жастағы азаматтың неліктен мұндай әрекетке барғанын анықтап жатыр.