Жедел бөлім қызметкерлері тапанша тәрізді заттың табылуына себепкер болды

Қазақстан Республикасы Ішкі істер министрлігі Қылмыстық – атқару жүйесі комитетінің « № 68 мекеме » республикалық мемлекеттік мекемесі ( тергеу изоляторының) жедел бөліміне  қалада қару жасырылғандығы жайлы ақпарат келіп түскен,- деп хабарлайды "Opennews.kz" ақпарат агенттігі.  

Келіп түскен ақпарат  бойынша  қызметкерлер  жедел, оқиға орнына  барды.  
    Олар қаладағы Алашаев көшесіндегі бетон мостың  сол жағында жасырылған тапанша тәріздес  және жасыл түсті жарылғыш ( граната) ға ұқсас зат анықтап, алдымен дер кезінде Қызылорда полиция департаментінің  102 нөмеріне хабарласып, мән- жайды баяндады.  

     Сонан соң, шапшаңдық пен сергектік танытып, сол төңіректегі үй- тұрғындарын ( 20-30 дай, жас балалар мен  жүргінші адамдарды) эвуакациялады.  

Одан кейін жедел бөлім қызметкерлерінің шақыртуы бойынша, арнайы жасақтар келіп, саперлар өз жұмысына кірісіп, жарылғыш заттарды қауіпсіздендірді. 

    Әрі қарай, жедел  тергеу  тобы оқиға орнын қарап, тексеру жұмысын жүргізді. 

Бүгінгі таңда тәркіленіп алынған заттар суық қару ретінде анықтауға жолданды.