Үш жасар қызын шетелге ұрлап кеткен

12 октября 2022, 08:42

250

Русский перевод этой статьи пока не опубликован. Ниже — оригинал на казахском языке.

Павлодар қаласының тұрғыны “қызымды үйге қайтарыңыздар!"деп көмек сұрап, жан айқайын жеткізу үшін бейнетүсілірім жариялады, деп хабарлайды Opennews.kz ақпарат агенттігі “Еуразия” бірінші арнасының Telegram-парақшасына сілтеме жасап.

Қызын жоғалтқан Гүлназдың айтуынша, екі ай бұрын шетелдік жұбайы олардың үш жасар баласын шетелге алып кеткен. Содан бері хабар-ошарсыз жоғалды.

"Менің жұбайым – Египет азаматы. Ол қызымды ұрлап кетті. Осы күнге дейін баламды маған көрсетпей, жасырды, тіпті байланыс жасамайды. Қоңырау мен хабарламаларға жауап бермейді", – дейді әйел.

Гүлназдың қызы – Қазақстан азаматы. Әйел оны табу үшін барлық шараны қолданды. Павлодарлықтың айтуынша, Египетте сот болды. Фемиданың шетелдік министрі бала анасымен бірге тұрады деп шешкен. Сондай-ақ, әйел жергілікті полиция мен Қазақстанның араб еліндегі елшілігіне жүгінді. Әзірше нәтиже жоқ.

Үміті үзілген ана мемлекет басшысы Қасым-Жомарт Тоқаевтан қазақстандық бүлдіршіннің отанына оралуына көмек көрсетуін сұрайды.