Қазақстан әлем чемпионатындағы жеңілістен кейін апеляциялық шағым түсірді

3 ноября 2021, 11:14

290

Русский перевод этой статьи пока не опубликован. Ниже — оригинал на казахском языке.

Ширек финалда отандасымыз Санатәлі Төлтаев шотландиялық Риз Линчтен есе жіберген еді. Бұл жеңілістен кейін Қазақстан құрамасы төрешілер шешіміне апеляциялық шағым түсірді- деп хабарлайды Opennews.kz ақпарат агенттігі.

Жекпе-жек нәтижесі бойынша төрешілер жеңісті шотландиялық боксшыға берген. 3:2 есебімен жеңілген Санатәлі Төлтаев жартылай финалға өте алмады. Алайда Қазақстан құрамасы апеляциялық шағым түсіріп, төрешілердің шешіміне келіспейтіндіктерін айтып, наразылықтарын білді. Бұл туралы Қазақстан құрамасының мемлекеттік жаттықтырушысы Бахтияр Артаев мәлімдеді. Шағым ¼ финалдың барлық жекпе-жектері аяқталған соң қаралады.

Қазақстандық боксшылардың Әлем чемпионатының ширек финалына өткен он спортшының тек бесеуі ғана жартылай финалға жолдама алды. Енді олар финалдық бәсеке үшін сайысқа түспек.