Атырауда мектеп оқушысы өз үйінің шатырында асылып қалған
147
Атырау облысында мектеп оқушысы өз-өзіне қол жұмсап, асылып қалған, - деп хабарлайды Opennews.kz ақпарат агенттігі.Жылыой ауданында 14 жастағы жасөспірімнің денесін ата-анасы тауып алған. Мектеп оқушысы өзіне қол салған уақытта үйде екшім болмаған көрінеді. Үйге оралмаған баланы іздеген жақындары оны іздеп, телефон соққан. Сол уақытта қоңырау дауысы шатырдан естілген.
Баласын асылып тұрған жерінен тапқан ата-ана оның неліктен мұндай қадамға барғанын білмей отыр.
"Аталған қылмыстық істе қатысты тергеу жұмыстары басталды. Ал оқиғаға байланысты әзірге ештеңе айта алмаймыз", - деді Атырау облыстық ПД баспасөз қызметіндегілер.
Марқұм бала өлер алдында ештеңе жазып қалдырмаған. Сондықтан оның неліктен мұндай қадамға барғаны әзірге ешкімге белгісіз.
