АЙМАҚ БАСШЫСЫНЫҢ ОРЫНБАСАРЫ МЕН БІЛІМ БАСҚАРМАСЫНЫҢ БАСШЫСЫ ЖАҢА ОҚУ ЖЫЛЫНА ДАЙЫНДЫҚ БАРЫСЫН ПЫСЫҚТАДЫ
410
![](/uploads/posts/2022-08/medium/1660631595_ajmakta.jpg)
Облыс әкімінің орынбасары мен басқарма басшысы Қармақшы ауданындағы күрделі жөндеу жүргізіліп жатқан №121, №85, №28 мектептеріне және 2017 жылы салынып, бүгінде іргетасы сөгілген №5 Айгөлек балабақшасына барып, құрылыс жұмыстарымен танысты. Мұнан соң Жалағаш ауданы, Таң ауылдық округіндегі №118 орта мектепке жүргізілген күрделі жөндеуді көріп, Ақтерек сауықтыру лагеріне жөндеуден өткізу жайын талқылады. Сонымен қатар жаңадан салынған 200 орындық Оқушылар үйінің жұмысымен танысты.
![](/uploads/posts/2022-08/medium/1660631705_ajma.jpg)
![](/uploads/posts/2022-08/medium/1660631707_ajmak.jpg)
Құрылысты жүйелі жүргізу, оны сапалы әрі дер кезінде аяқтауды қадағалау мақсатында облыс әкімінің орынбасары Жаңақорған ауданы, Ақүйік ауылдық округіндегі №55 орта мектептің күрделі жөндеу жұмыстарын көрді. Одан кейін кент орталығындағы «Маи бекеті» мен «Ипподром» мөлтек ауданындағы 300 орындық мектептердің құрылысы мен жаңа оқу жылында пайдалануға берілгелі жатқан №169 орта мектебінде болды.
Ары қарай жұмыс сапары Шиелі ауданында жалғасты. Онда Бидайкөл ауылындағы №148 орта мектеп ғимараты жылу қазандығын табиғи газға ауыстыру жұмыстарының барысы мен №46 А.С.Пушкин атындағы мектеп-лицейге қажетті қосымша 300 орындық қосымша ғимарат салу жұмыстарымен танысты. Сондай-ақ, №133 негізгі мектеп ғимаратының жағдайын көріп, 100 орындық жаңа мектептің құрылысын салу жөнінде тиісті ұсыныстарды жан-жақты зерделеп, қарау қажеттегін жеткізді. Мұнан соң Шиелі индустриалды-аграрлы колледжінің алдағы оқу жылына дайындығын, №155, №251 мектеп ғимараттарының шатырларын және ішінара шатырлары ұшып кеткен білім нысандарының төбе жабындыларын тез арада қалыпқа келтіру керектігін тапсырды.
![](/uploads/posts/2022-08/medium/1660631690_ajmakt.jpg)
Сонымен қатар Сырдария ауданындағы білім беру ұйымдарының жаңа оқу жылына дайындығын пысықтау мақсатында №126, №210, №132 мектептерін жай-күйін көріп, қыркүйек айына дейін жөндеу, тазарту жұмыстарын аяқтауды тапсырды.
©Қызылорда облысының білім басқармасының баспасөз қызметі