Жетімді баспана кезегіне қоймаған әкімнің әрекетін сот заңсыз деп таныды

Жетімді үй кезегіне қоймаған елорда экс-әкімінің әрекетін сот заңсыз деп таныды, деп хабарлайды Opennews.kzақпарат агенттігі.




Сот мәліметінше, 2005 жылғы 18 сәуірде Балалар үйінің директоры қала әкіміне (жауапкерге) талапкерді мемлекеттік тұрғын үй қорынан тұрғын үймен, ал мұндай тұрғын үй болмаған жағдайда тұрғын үй-тұрмыстық жағдайлары бар басқа тұрғын үймен қамтамасыз ету туралы хат жолдаған.

2014 жылғы 26 желтоқсанда жауапкер талапкердің коммуналдық тұрғын үй қорынан тұрғын үйге мұқтаждарды есепке қою туралы өтінішін қарап, оған қалада тұрақты тіркелу туралы мәліметтерді ұсыну қажеттігі туралы хабарлаған. Осы мәселе бойынша талапкер жауапкерге бірнеше рет жүгінген, оған оны кезекке қалпына келтіру үшін негіздердің жоқтығы туралы жауап алған.

Бас тартумен келіспеген талапкер сотқа жүгінді. Жергілікті соттар бұл талап қоюды ішінара қанағаттандырды. Талапкерді тұрғын үй алуға мұқтаждардың кезегіне қоюдан бас тарту заңсыз деп танылды. Жауапкерге бұзушылықтарды жою және талапкерді 2014 жылғы 26 желтоқсаннан бастап тиісті кезекке қою міндеті жүктелген. 2005 жылдан бастап кезекті қалпына келтіру бөлігінде бас тартылған, – делінген Жоғарғы сот хабарламасында.

Соттар заңның нормаларына сілтеме жасай отырып, мыналарды негізге алған:

• талапкер қалада тұрақты тұрып, әкімдікке жүгінген күні уақытша тіркеу мекенжайы болған, тиісінше, сол кезде талапкер мемлекеттік тұрғын үй қорынан тұрғын үй алуға мұқтаждарды есепке қоюға құқығы болған;
• есепке қою күнін 2014 жылғы 26 желтоқсан деп санауға болады, яғни талапкер жауапкердің жауабын алған күннен бастап;
  
• талап қою арызы талапкерді 2005 жылдан бастап тұрғын үй алуға мұқтаж жандарға кезекке қоюға негіз жоқ, өйткені әкімдікке жолданғанын растайтын құжаттар мен 2005 жылғы балалар үйінен хаттар болмаған.
  
  

Қала әкімі соттардың қорытындыларымен келіспей, оларға кассацияға шағымданды.

Жоғарғы Соттың әкімшілік істер жөніндегі сот алқасы жергілікті соттардың сот актілерін күшінде қалдырып, талапкерді тұрғын үйге мұқтаждарды есепке қою құқығын қалпына келтіруден бас тартуға негіздердің жоқтығын атап өтті.