Қазақстандықтар балаларына 22 миллиард теңге алимент қарыз

Бас прокуратура тұрақты түрде алимент төлемейтін азаматтармен жұмыс жасау туралы айтты, -деп хабарлайды "Opennews.kz" ақпарат агенттігі. 

Бөлім қарыздардың төленбеуінің басты себебі ретінде борышкерлердің жұмысқа орналаспауын және тұрақты табысының жоқтығын алға тартып отыр.Жағдайды түзету үшін елімізде 200-ге жуық бос  жұмыс орындар жәрмеңкесі ұйымдастырылды.

Жұмыспен қамту органдары 20 мың жұмыссыз борышкерді тіркеді, оның 9,5 мыңы жұмысқа орналастырлды.  Алимент төлеуден жалтарған алты мыңға жуық борышкер қылмыстық және әкімшілік жауапкершілікке тартылды.700 қадағалау актісі бойынша 825 жеке сот орындаушысы тәртіптік жазаға тартылды.

Жүйелі және кешенді шаралардың қабылдануы қиын мәселелік салалар санын үштен біріне немесе 75 мыңнан 50 мыңға дейін қысқартуға мүмкіндік берді. 140 мың баланың пайдасына 23 миллиард қарыз өтелді, талап қоюшыларға 322 бірлік мүлік берілді.

Бүгінде қалған қарыз 22 млрд теңгені құрайды.