Қызылордада балабақша тәрбиешісі баланы ұрып-соққан
Тәркіленген бейнежазбалар қылмыстық іске тіркелді, - деп хабарлайды "Opennews.kz" ақпарат агенттігі.
Қызылордада балабақша тәрбиешісі 1,5 жасар баланы ұрып-соққан. Қызылорда қаласы Полиция басқармасына жеке балабақшалардың бірінде ұлына дене жарақатын салған тәрбиешіге шара қолдану туралы кәмелетке толмағанның заңды өкілінен арыз түскен.
Арыз негізінде қылмыстық іс тіркеліп, ҚР ҚК140-бабының 2-бөлігімен сотқа дейінгі тергеп-тексеру әрекеттері жүргізілуде.
«Тәркіленген бейнежазбалар қылмыстық іске тіркелді. Сот сараптамалары тағайындалды. Сот – медициналық сараптама нәтижесі бойынша баланың «денсаулығына жеңіл зиян» келтірілген. Ал сот-габитологиялық сараптамасының қорытындысы күтілуде», - делінген хабарламада.
41 жастағы тәрбиешіге қатысты ІІО-ға келу туралы міндеттеме қабылданды. Сондай-ақ ҚР ҚПК-нің 200-бабына сәйкес облыстық білім басқармасына ұсыныс жолданды.
