Анасы жасөспірім қызын аяусыз соққыға жыққан
1 646
Желіде жасөспірім қыздың аяусыз соққыға жығылғаны түсірілген видео тарады, - деп хабарлайды "Opennews.kz" ақпарат агенттігі.
Видеодан қолына пышақ ұстаған әйелдің жасөспірім қызға қарай пышақ сермеп, бетіне тақағанын көруге болады. Содан соң әйел жасөспірімнің бетіне бірнеше рет соққы жасап, басынан шелекпен ұра бастайды. Видеода оқиғаның осы жылдың 30 наурызында болғаны анық көрсетілген.
Шымкент қалалық полиция департаменті оқиғаға қатысты мәлімдеме жасады. Полицияның мәліметінше, жасөспірімнің әйелдің бірінші некесінен туған қызы екені анықталған. Қазір қыз әкесінің қамқорлығында.
"Полиция қызметкерлері бейнежазбада көрсетілген тұлғаларды анықтады. Аталған факті бойынша 2024 жылдың 31 наурызында қылмыстық іс қозғалды. Тергеу шаралары жүргізілуде. Сараптама тағайындалды", – делінген полиция хабарламасында.
