Қаз
Рус
Көпқабатты тұрғын үйдің лифті құлап, 6 адам зардап шекті
1 616
Семейде көпқабатты үйлердің бірінде алты адам мінген лифт құлап кетті, - деп хабарлайды "Opennews.kz" ақпарат агенттігі.
Қала әкімдігінің дерегіне сүйенсек, лифт мінген адамдарды көтере алмай құлап, 6 адам да зардап шекті.
“Оқиға 8 мамыр күні сағат 11:40 шамасында лифтке алты адам кіргені анықталды. Рұқсат етілген шекті салмақтан асып кеткендіктен, лифт кабельдері ұстап тұра алмай, кабина шахтаға құлап кетті”, – деді Семей әкімдігінің баспасөз қызметі.
Зардап шеккендер ауруханаға жеткізіліп, оларға медициналық көмек көрсетілді. Оқиғадан қаза тапқандар жоқ.
Абай облыстық полиция департаменті лифт құлауына байланысты адамдардың жарақаттануы фактісі бойынша сотқа дейінгі тергеу басталғанын нақтылады. Сонымен қатар қалада мессенджерлер арқылы аудио хабарлама тарағаны, онда зардап шеккендердің бірі қайтыс болғаны айтылады. Алайда полиция департаменті бұл ақпаратты жоққа шығарды.
“Қазір ауруханаларда алты зардап шеккен адам бар. Лифтте қаза тапқандарға қатысты WhatsApp чаттарында тараған ақпарат шындыққа жанаспайды”, – делінген полиция хабарламасында.
