Қаз
Рус
Қызылордада атыс шығарған күдікті іздестіріліп жатыр
2 173
Қызылордада ер адам оқ жарақатын алып, ауруханаға түскен - деп хабарлайды "Opennews.kz" ақпарат агенттігі.
Шанхай мөлтек ауданы Әл-Фараби көшесінде 32 жасар ер азаматқа қарулы шабуыл жасалғаны белгілі болды. Жәбірленуші қалалық ауруханаға жеткізіліп, ота жасалған. Қару-жарақтан жараланғаны туралы ақпарат әлеуметтік желіде жарияланды.
Қызылорда облыстық Полиция департаментінің баспасөз қызметі бұл деректі растап, қалалық полиция басқармасы тергеу жұмыстарын бастағанын атап өтті.
"Оқиғаның мән-жайы анықталып, күдіктіні ұстау бойынша жедел-іздестіру жұмыстары жүргізіліп жатыр. Барлық қатысушылардың жеке басы анықталып, күдіктіні ұстау бойынша жедел жұмыстар жүргізіліп жатыр. Қылмыстық іс Полиция департаменті басшылығының бақылауында. Айғақты заттар алынды", - деп хабарлады департаменттің баспасөз қызметі.
