Шенеуніктер қандай көлік мініп жүр?
1 112
Қостанай облысы әкімінің аппаратының мәліметіне сүйенсек, қазір баланста 10 көлік бар. Оның 75 пайызына шамамен 10 жыл және одан да көп уақыт болған, - деп хабарлайды "Opennews.kz" ақпарат агенттігі.
Өңір шенеуніктері бүгінде мынадай көлік маркаларын пайдаланып жүр: KIA Sportage, Skoda Rapid, Peugeot 301, Chevrolet Tahoe, Skoda Superb B6, Lexus LX 570, Toyota Land Cruiser 200.
"Көлік таңдаудағы негізгі критерийлер: сапасы, техникалық қызмет көрсетудегі ыңғайлылығы, іс-шараларға, әлеуметтік, өндірістік және әртүрлі ауа райында облыс үшін маңызды басқа да мәселелер бойынша жұмыс сапарларына сай келуі. Бюджетте қарастырылса және амортизацияға байланысты ақау шықса, көлік жаңартылады", - деді аппарат өкілдері.
Жамбыл облысы әкімдігінің шаруашылық басқару балансында 8 жеңіл көлік бар. Олардың ішінде Mercedes-Benz W222, Hyundai Palisade (екі көлік), Toyota Land Cruiser 200, Toyota Highlander, Toyota Camry 55, Kia Quoris, Toyota Hiace бар.
Әкімдік өкілдері сатып алу кезінде орташа жиынтықтағы автомобильдерге баса назар аударылатынын түсіндірді.
"Жамбыл облысы әкімдігінің автопаркін жаңарту қолданыстағы заңнамаға сәйкес жүзеге асырылады", - деді облыс әкімі аппараты басшысының орынбасары Жанболат Нұрмолдаұлы.
