Қоғамдық орында құстарды тамақтандырған қазақстандықтар 100 мың теңгеден аса айыппұл төлейді

Енді елімізде құстарды тамақтандырған қазақстандықтар айыппұл төлеуі мүмкін. Бастапқыда құқық қорғаушылар ескерту жасайды. Егер тұлға ережені бұзса 100 мың теңгеден асатын айыппұл арқалайды,- деп хабарлайды "Opennews.kz" ақпарат агенттігі.

Қоғамдық орындарда құстарға жем беру ережеге қайшы саналады. Бұл абаттандыру қағидаларын бұзу ретінде бағаланады. Аталған құқықбұзушылық үшін 69 мыңнан 103 мың теңгеге дейін айыппұл көзделген. Құстарды тамақтандыруға тыйым салынуының бірнеше себебі бар. Көгершіндер 90-нан астам түрлі ауру қоздырғыштарын тасымалдайды. Сондай-ақ олар арқылы бүргелер мен кенелер таралады, ал олар желдеткіш шахталар арқылы пәтерлерге енуі мүмкін.

Бұдан бөлек, қалған жем-қорек кеміргіштерді де тартады.