Анасы мен қызы өз пәтерінде өлі табылған

Қарағанды қаласындағы тұрғын үйлердің бірінен әйел мен баланың зорлық белгілері бар мәйіттері табылды,- деп хабарлайды Opennews.kz ақпарат агенттігі zhasalash.kz сайтына сілтеме жасап.

26-шы наурыз күні Қарағанды қаласының Крылов көшесіндегі пәтерден 38 жастағы әйел мен оның 12 жастағы қызының сүйектері табылған. Алдын ала мәлімет бойынша, олардың денесінде зорлық-зомбылық белгілері анықталған. Осы факті бойынша қылмыстық іс қозғалды. Қарағанды облыстық полиция департаментінің мәліметінше, күдіктінің жеке басы анықталған және оны ұстау бойынша жедел-іздестіру шаралары жүргізілуде. Оқиға орнында тергеу әрекеттері жалғасуда. Құқық қорғау органдары болған жағдайдың толық мән-жайын анықтау үшін қажетті сараптамалар мен процессуалдық шараларды жүзеге асыруда. Ведомство өкілдері істің ерекше бақылауда екенін атап өтті.