2 жасар бала тереңдігі 24 метр құдыққа құлап кеткен
Шымкентте 2 жасар бала тұрғын үй жағындағы 24 метр құдыққа құлап кеткен,- деп хабарлайды Opennews.kz ақпарат агенттігі Sputnik.kz сайтына сілтеме жасап.
Оқыс оқиға Шымкент қаласының Қаратау ауданындағы Құдайбергенов көшесінде болған, қыз бала тереңдігі 24 метр құдыққа құлап кеткенін хабарлады төтенше жағдайлар министрлігі.
"Осы мекенжайда орналасқан жеке тұрғын үй аумағындағы құдыққа ересектердің қарауынсыз қалған 2024 жылы туған қыз бала құлап кеткені туралы хабарлама түсті", - деді министрлікте.
Оқиға орнына ТЖМ құтқарушылары жедел түрде жіберілген. Құтқарушылар жеткен кезде құдықтың тереңдігі шамамен 24 метр екені анықтаған. Құтқарушылар альпинистік жабдықтарды пайдаланып, құдыққа түсіп, баланы абайлап алып шыққан. Қыз бала әрі қарай тексеру үшін жедел медициналық жәрдем бригадасына тапсырылған.
Ведомство өкілдері ересектерге баланы қараусыз қалдырмау керек екенін ескертті.
