15 жастағы қызын бірнеше ай бойы зорлаған әке сотта өзін «тәрбие бердім» деп ақтауға тырысты

Краснодар өлкесінде 15 жастағы туған қызына жүйелі түрде зорлық-зомбылық көрсетті деп айыпталған жергілікті тұрғынға қатысты қылмыстық іс қаралып жатыр, - деп хабарлайды   Opennews.kz  ақпарат агенттігі.

Тергеу мәліметінше, анасы ата-ана құқығынан айырылғаннан кейін Екатеринбург қаласынан келген қыз бұрын сотталған әкесінің қолына берілген. Ол қызды шалғайдағы станицаға алып кеткен. Бірнеше ай бойы ер адам кәмелетке толмаған қызына қатысты қылмыстық әрекеттер жасап, болған жайттарды бейнекамераға түсіріп отырған.

Сот процесі барысында айыпталушы болған жағдайды баланың өз өтініші бойынша жасалған «қатаң тәрбие» деп түсіндіруге тырысқан. Сот отырысында айыпталушының заңсыз талаптарын растайтын аудиожазбалар ұсынылды.

Белгілі болғандай, бұған дейін мектеп оқушысы басынан өткен жағдайды туыстарына айтуға тырысқан. Алайда оған ешкім сенбеген.