Қызды зорлаушылардың қолынан бейтаныс жүргізуші аман алып қалды (ВИДЕО)
376
Алматы полициясы 29 шілдеге қараған түні жеке секторда орын алған зорлау әрекетін тергеп жатыр, - деп хабарлайды Opennews.kz ақпарат агенттігі Адырна ұлттық порталына сілтеме жасап.
Бұған дейін желіде қыздың зорлаушылардан қашып кеткен видеосы пайда болған еді. Оны өтіп бара жатқан жүргізуші құтқарып қалды."Алматы қаласының Полиция департаменті 2000 жылы туған азаматша Б.-ны зорлауға оқталу фактісі бойынша Жетісу аудандық полиция бөлімінің қызметкерлері тергеу жүргізіп жатқанын хабарлайды. Жәбірленуші ішімдік ішіп алып тиісуге тырысқан өзінің таныстарының бірі деп күдіктеніп отырғанын айтты. Оқиғаның мән-жайы анықталуда», - деп хабарлады Алматы қалалық ІІД баспасөз қызметі.
