Бөрене астында қалған құрылысшы мерт болды

Шымкенттегі ықшам аудандарының бірінде құрылысшы үстіне ағаш бөрене құлап қаза тапты деп хабарлайды Opennews.kz ақпарат агенттігі.



16 қазан күні "Тұран-2" ықшамауданындағы құрылыс алаңында 3 құрылысшы жұмыс істеп жатқан. Сол сәтте биіктен ағаш бөрене құлап, бір жұмысшының үстіне түседі. Алған жарақатының ауыр болғаны соншалық, 2000 жылы туған жігіт оқиға орнында тіл тартпай кетіпті.

Қазір құқық қорғау органдары оқыс оқиғаның мән-жайын анықтаумен айналысуда.