Қаз
Рус
Өлген мысықты балконға асып қойған атыраулық әйелдің әрекеті жұртты шошытты
404
Атырау облысы, Жылыой ауданында әйел мысықтарды өлтіріп, балконға асып қойған,- деп хабарлайды Opennews.kz ақпарат агенттігі.
Полицияның мәліметінше, атыраулық тұрғын мысықтарды ұстап әкеліп, өлтіріп, балконға асып қойған. Мұны көрген қала тұрғындары шошып, полицияға хабарласқан. Куәгерлердің айтуынша, әйел бұл әрекетін бірнеше рет қайталаған. 
Қазіргі таңда, аталған оқиғаға қатысты ҚР ҚК 316-бабы (“Жануарларға қатыгездiк жасау”) бойынша қылмыстық іс қозғалды. Әйел адамның не үшін осындай әрекетке барғаны белгісіз.
Егер оның кінәсі дәлелденсе, ол 30 тәулікке дейін қамауға алынуы мүмкін. Сонымен қатар бұл бап бойынша 120 АЕК (2021 жылы 350 040 теңге) көлемінде айыппұл немесе 120 сағатқа дейін қоғамдық жұмыстарға тарту қарастырылған.
